2025-nji ýylyň 28-nji noýabryndan Lebap welaýatynyň çäginde dolandyryş çäkleri üýtgedilen ilatly ýerleriň aragatnaşyk hyzmatlarynyň ugur kodlary üýtgedilýär. Bu barada «Türkmen gündogary» gazeti habar berýär. Habarda şeýle bellenilýär:

«Türkmenistanyň Mejlisiniň 2025-nji ýylyň 19-njy sentýabrynda kabul eden «Türkmenistanyň dolandyryş-çäk bölünişiginiň meseleleri hakyndaky» Karary esasynda Lebap welaýatynyň çäginde dolandyryş çäkleri üýtgedilen ilatly ýerleriň aragatnaşyk hyzmatlarynyň ugur kodlary 2025-nji ýylyň 28-nji noýabryndan aşakda görkezilýän tertipde üýtgedilýär:

1. Döwletli etrabyna +993 434 kody;

2. Garabekewül etrabyna +993 443 kody;

3. Farap etrabyna +993 448 kody».